សម្តេចតេជោ ហ៊ុន សែន៖ ចាប់ពីពេលចាប់ផ្ទៃ រហូតដល់ពេលអាយុ២ឆ្នាំ យើងត្រូវតាមថែទាំគេ ដែលរដ្ឋត្រូវចេញថវិកា ជិត២រយដុល្លារ សម្រាប់កុមារម្នាក់
16-December-2019 | ដោយ ពលមនសិការ
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ថា ស្ត្រីចាប់ពីមានផ្ទៃពោះភ្លាម យើងចាប់ផ្តើមផ្តល់ប្រាក់ឧបត្ថម មុនពេលឆ្លងទន្លេ ត្រូវទៅពិនិត្យផ្ទៃពោះ ៤ដង ក្នុងមួយដងយើងឧបត្ថម ដល់ពេលឆ្លងទន្លេយើងឧបត្ថមប្រាក់ច្រើនបន្តិច បន្ទាប់ពីឆ្លងទន្លេហើយ កូនរយៈពេល២ឆ្នាំ យើងត្រូវឧបត្ថម៨ដងទៀត អញ្ចឹងយើងចំណាយក្នុងមនុស្សម្នាក់ សម្រាប់ទារកម្នាក់ ចាប់ពីពេលចាប់ផ្ទៃ រហូតដល់ពេលអាយុ២ឆ្នាំ យើងត្រូវតាមថែទាំគេ ដែលរដ្ឋត្រូវចេញថវិកា ជិត២រយដុល្លារ សម្រាប់កុមារម្នាក់។
យោងតាមរបាយការណ៍ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានឲ្យដឹងថាចាប់ពីថ្ងៃទី១ ខែមករា ដល់ថ្ងៃទី១៥ ខែធ្នូ ឆ្នាំ២០១៩ មានកម្មការិនី ឆ្លងទន្លេចំនួន៧៣០៣៧នាក់ ចំនួនកូន៧៣៥២១នាក់។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍នៅពេលសម្តេចអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យវិទ្យាសាស្ត្រសុខាភិបាលចំនួន ២,៥៨៨នាក់ដែលពិធីប្រគល់សញ្ញាបត្រនេះធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។ ព្រឹកថ្ងៃចន្ទ ៥រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៦ ខែធ្នូ ឆ្នាំ២០១៩ ៕
ចំនួនអ្នកទស្សនា
- ថ្ងៃនេះ14881
- ម្សិលមិញ15681
- សប្តាហ៍នេះ73721
- ខែនេះ95601
- ឆ្នាំនេះ95601
- សរុប20538057